عنتر وعبلة وتنكة الزيت - قصة مضحكة

 

لما طلب عنترة ايد عبلة من أبوها، طلب منو عمه مهر لعبلة تنكة زيت زيتون صافي ?? و متل ما بتعرفوا بالصحرا زيتون مافي ?? .

جاب البلاد ?? و شاف العباد .. و سأل الناس الكرام ,حتى وصل أرض الشام ??

و قالوا مالك غير الشام أرض الخير و الزيتون .

ولما دخل الشام وقف و بسرعة عرف يتصرف و احتراماً للبلدة ترجل عن جوادو ?? و قال بيت شعر مفادو :

أنا الذي قطع الصحارى في الليالي ... لا تأخذني لومة لائم ولا أبالي.

جئتك يا دمشق والشوق يسبقني ... و في أرضك يا شام سأحط رحالي

وبعد ان استقبله أهل الشام - قال يا سادة يا كرام - و قالولو طلوب و تمنى طلبك عنا ?? ،
قلن بدي تنكة زيت زيتون مهر لعبلة و لسكت عمي ومرتو الهبلة ??
قالولوا منضيفك عنا تلات ليالي و بعدن طلبك مجاب يا غالي ، و أول يوم الصبحية جابولوا فطور فتة بسمنه ?? ، و عالغدا رز وشاكرية ?? ، و العشا قلولوا 4 بيضات بلحمة ولية ??.
قام أخونا عجبتو العيشة الهنية ، و نسي الصحرا و البرية ??
و تعلق أبو الفوارس بالشام وكرم أهلا ، ونتر قصيدة مطلعها ?? :
يا عبلُه على حبك سامحيني ... ففي الشام ضالتي وحنيني

قد كنتُ أخطأت في حبك مرة .... وقد أحببت عليك دمشق فاعذريني.

وتجوز من فتحية اللي أهلها أشاوس ، وهيك خلصت سيرة أبو الفوارس .
و ترك عبلة عم تستنى (التنكة) ، و قال بلا عبلة بلا بطيخ ?? ، و نزل بالمكدوس طاخ وطيخ ??
و لما داق الشيش برك ، ارتخت مفاصلو وبأرضه برك ?? .

أعجبني