قصة مضحكة - المحشش وابن عمه

 

محشش راح يستقبل ابن عمه بالمطار
و هنن بالطريق   سأله :
إنت الك 10 سنين بأمريكا   ، شو كنت عم تدرس ؟!
قاله ابن عمه :
علم المنطق
قال المحشش   :
و شو هاد المنطق
قال ابن عمه :
صعب اللي درسته   بـ 10 سنين اشرحلك يا بساعه ، بس أنا رح اعطيك مثال على المنطق ...

إنتو عندكن كلب   بالبيت ، صح ؟
قال المحشش :
اي نعم عنا كلب بالبيت

قال ابن عمه :
بما إن عندكن كلب أكيد انتوا عاملينلو بيت بالجنينه ؟
قال المحشش :
اييي عاملينلو بيت بالجنينه

قال ابن عمه :
و بما انو عندكن جنينه يعني بيتكم كبير ؟
قال المحشش :
فعلاً بيتنا كبير

قال ابن عمه :
و بما انو بيتكن كبير ، أكيد أبوك غني
قال المحشش :
صحيح أبي غني

قال ابن عمه :
وبما إنو أبوك غني   ، أكيد أمك قاعده بالبيت و ما بتحتاج مثلاً تروح تشتغل رقاصه   مشان تجيب مصاري   ...
قال المحشش :
اي و الله أمي قاعده بالبيت ما بتشتغل

قال ابن عمه : شفت كيف هاد هو المنطق
إنك تبني شي على شي
ومن وجود الكلب ببيتكن إستنتجنا إنو أمك مو رقاصه .

رآح المحشش عالدوام   و حب يتفلسف على مديره

المحشش :
بتعرف شو هو علم المنطق ؟
المدير :
لا و ٱلله احكيلي   ؟
المحشش :
انتوا عندكن كلب   بالبيت ، صح ؟
المدير :
لا ما عنا
المحشش :
معناتوو امك رقاصة  

ههههههههههههههههههه

أعجبني